Garrinn

Nýtt ár

2006-01-02T12:58:00.000Z

Já það er komið nýtt ár. Ég hef nú verið heldur linur við að skrifa pistla undanfarið, en það er kanski bara allt í lagi. Árið 2005 var alveg stórmerkilegt ár fyrir mig. Þetta var ár mikilla breytinga og ber þar hæst trúarskrefið mitt sem eiginlega byrjaði þegar Sara mágkona mín bauð mér með á samkomu í Fíladelfíu 9 janúar. Mér fannst nú svolítið einkennilegt að vera þarna í fyrsta sinn en ég fann samt að þetta átti vel við mig. Ég var duglegur að mæta í kirkjuna og það endaði með því að ég tók skírn þann 7 ágúst.

Fjölskyldan fór í fádæma skemmtilegt sumarfrí
þar sem við keyrðum um landið þvert og endilangt á gömlu Toyotunni okkar dragandi gamlan tjaldvagn sem hefði sómt sér vel á Woodstock tónlistarhátíðinni.

Við enduðum svo á því að fara á gospel námskeið í Kirkjulækjarkoti sem er eitt það skemmtilegasta sem undirritaður hefur gert. Þar vaknaði upp söngfugl í mér sem hefur eiginlega ekki þagnað síðan.

Eitt af því sem ég lærði uppá nýtt er þakklæti, það eru engir hlutir sjálfgefnir í lífinu og ég er svo heppinn að eiga yndislega konu og börnin okkar eru gimsteinarnir í lífi okkar. Það að eiga góða fjölskyldu er ómetanlagt og þakka ég guði fyrir að vera þeirrar gæfu aðnjótandi.

Kæru vinir ég óska ykkur gæfu og velfarnaðar á nýju ári.

....................Garrinn

Verði ljós

2005-12-13T08:16:00.000Z

Í gærkvöld fór ég á æfingu með dóttur minni uppí Hallgrímskirkju. Hún er að syngja þar á tónleikum á miðvikudag og fimmtudag með Stúlknakór Reykjavíkur. Á meðan ég hlustaði á engilfagran sönginn fór ég að velta fyrir mér þessari sérstöku orku sem virðist svífa yfir vötnum um þetta leiti ár hvert.

Margir eru tilbúnir til þess að rétta hinum minniháttar hjálparhönd, og það virðist svona opnast glufa inní sálarljós okkar mannanna. Mér finnst þetta nú svolítið merkilegt, en á sama tíma líka svolítið sorglegt.

Það er eins og við mennirnir ætlum að nota þennan stutta tíma til þess að bæta fyrir og lagfæra allt sem gekk úr lagi á árinu. Biðja bara 100 bænir í einu og gera 200 góðverk og sættast við 22 óvini, allt á 25 dögum, eða svo. Við segjum börnunum okkar frá því sem gerðist á jólunum, segjum þeim frá því hvað Jesú var góður og...... Svo kanski fýkur í sporin okkar þegar frá líður.

Boðskapur jólanna verður fjarlægur en er svo tekinn upp með jólaskrautinu á næsta ári. Þetta þarf ekki að verða svona, við höfum svolítið um það að segja sjálf. Lofum ljósinu okkar að skína alltaf !

Farið vel með ykkur kæru lesendur

Ykkar Garri

Sigling.

2005-11-29T08:19:00.000Z

Ég man að amma sagði mér sögur af því þegar hún fór fyrst í siglingu. Og var þá að meina til útlanda, eftir að flugvélar komu til sögunnar kallaði amma það bara áfram að fara í siglingu eins og kanski margir af hennar kynslóð. 'Eg var fjórtán þegar ég fór í mína fyrstu til kaupmannahafnar og ég man að ég eyddi öllum vasapeningunum í tívolí. Tilfinningin um að fara erlendis hefur lítið breyst hjá mér í tímans rás, ég fæ enn fiðring í magann kvöldið fyrir brottför og kanna örugglega tíu sinnum hvort passarnir séu ekki örugglega á réttum stað. Við hjónin fórum Til Frankfurt á föstudaginn síðasta. Jólamarkaðurinn var að byrja þessa helgi og var búið að byggja svona þorp með sölubásum all konar. Þar var selt handverk, ristaðar hnetur, jólaglögg, pylsur og bara allt milli himins og jarðar. Þegar maður er staddur á svona samkomum er gaman að loka augunum augnablik, heyra skvaldur á nokkrum tungumálum og ýmisskonar ljúfur ilmur er í loftinu, skemmtileg upplifun. Oh það er svo gaman í svona ferðum, allt nýtt, daglegt stress á bak og burt og maður endurnýjast svona á akveðinn hátt.

Passið ykkur á jólastressinu !

....Garrinn

Hinn sanni tónn

2005-11-22T23:30:00.000Z

Í kvöld sannaðist mér það enn og aftur hve tónlistin hefur sterkan sess í tilveru minni. Mér var boðið á hina árlegu tónleika Blásarakvintetts Reykjavíkur sem voru haldnir í Fríkirkjunni. Á efniskránni voru verk eftir Schubert, Mozart, Beethoven og fleiri snillinga. Að hugsa sér, þessi tónlist var mestmegnis samin á síðari hluta sautjándu aldar og það er enn verið að spila hana. Í efnisskránni stóð eftirfarandi :

Þú dýra list. Ég dapur mörgu sinni.
hlaut drúpa höfði í lífsins iðusveim.
uns þú gafst anda og yl þinn sálu minni,
lést opinn nýjan, betri og fegri heim
lést opinn bjartan betri heim.

Oft harpan þín af höfgum slegin trega,
oft hljómur gleðifagur benti mér,
frá drunga heims til drottins himnavega
ó dýra list, hve bljúgur lýt ég þér
Ó dýra list, ég þakka þér.

Þessi orð segja í raun allt sem ég upplifði þarna í kvöld, þegar ég lokaði augunum sá ég fyrir mér Maximilian erkihertoga sitja í rauðum pluss sófa í fagurskrýddum tónleikasal, árið var 1790 og það klingdi í kristalsglösum gesta hans.

.............Garrinn

2005-11-19T13:47:00.000Z

Saran var að klukka mig !

hefst nú lesturinn:
núverandi tími: 12.57
núverandi föt: svartar buxur,græn peysa.
núverandi skap: Gott
núverandi hár: já.
núverandi pirringur: enginn
núverandi lykt: Af sólberjaís.
hlutur sem þú ættir að vera að gera núna: taka til, .......
núverandi skartgripir: giftingarhringur
núverandi áhyggjur: öngvar
núverandi ósk: Friður á jörð.
núverandi farði: ha? núverandi eftirsjá: Ekker
núverandi vonbrigði: Ríkisstjórnin
núverandi skemmtun: Gospelkór Reykjavíkur
núverandi ást: djúp og heit
núverandi staður: vesturbærinn
núverandi bíómynd: Amelie
núverandi íþrótt: Hjólreiðar
núverandi tónlist: Lagið, fyrir náð eftir Óskar Einarsson
núverandi blótsyrði: Blóta ekki !
núverandi msn manneskjur: Er bara bloggari !
núverandi desktop mynd: Systurnar Sólrún og Björg að veiða .
núverandi áætlanir fyrir kvöldið: Afslöppun
núverandi dót á veggnum: Allt of mikið !
ég klukka : Alla þá sem nenna

Sælla er að gefa.

2005-11-17T08:39:00.000Z

'Eg ákvað nú að fara að fordæmi mágkonu minnar Söru og láta vita um að hefur verið opnaður reikningur sem hægt er að leggja inná til að styrkja Val.

1175-26-511739 og kennitala: 220552-3739 og Fálkar sem auðkenni. Nú skulum við öll sameinast og sýna það að þegar bróðir okkar er í vanda getur hann reitt sig á okkar hjálp !

...................Garrinn

Fólk í fyrirrúmi

2005-11-15T14:04:00.000Z

Þegar ég var að setja lykilorðið mitt inn þurfti ég aðeins að hugsa mig um. Það er orðið nokkuð síðan að pistill var skrifaður á þessari síðu. Ekki það að neitt merkilegt hafi gerst síður en svo, ég hef bara verið eitthvað svo tímalaus eitthvað.

Það brennur nú margt á mér í augnablikinu eins og t.d málefni Vals vinar míns sem þið getið lesið hér Alveg er það furðulegt að svona nokkuð skuli geta gerst í siðmenntuðu þjóðfélagi.

Þorsteinn Guðmundsson sagði á Eddu verðlauna hátíðinni að fyrir andvirði brjóstaaðgerðanna sem konurnar í salnum hefðu farið í væri hægt að gera 15 Íslenskar bíomyndir, kanski gróft en skírskotunin engu að síður góð.

Við heimtum réttlæti og jöfnuð !

............Garrinn

Á föstudegi.

2005-10-28T16:39:00.000Z

Já það er greinilega að koma vetur, þegar ég kom út í morgun var allt heldur hryssingslegt og snjófjúk í loftinu. Þetta er árstíðin sem fólk hleypur um í rokinu á heimleið eða inn í bíl. Ef það hittir einhvern staldar það örstutt við, heldur í húfuna og segir : ég hringi bara í þig við tækifæri. Langar biðraðir myndast við dekkjaverkstæðin og sprittkerti seljast í brettavís. Eru ekki árstíðirnar dásamlegar, allar hafa þær sitt sérkenni. Fólk verður svolítið innhverfara á veturna, kanski svona andlegra á einhvern hátt og fer þá að leita, að innri ró og lífsfyllingu. Vonandi hafið þið það gott um helgina kæru vinir.

........Garrinn

Tíminn.

2005-10-18T18:36:00.000Z

Ég vildi að ég hefði meiri tíma, stundum finnst mér að ég hafi svo lítinn tíma að maður bara sest niður og spekúlerar í því og bara dæsir. Sumir segja að þetta sé bara spurning um forgangsröðun og trúlega er það rétt. Við kanski eyðum bara of miklum tíma í vinnunni og við aðra iðju sem við teljum ægilega mikilvæga. Stundum þegar að maður stendur fyrir framan það að leysa úr einhverju í eigin lífi áttar maður sig stundum á því að maður hefur gefið einhverjum góð ráð í svipaðri aðstöðu. Já það er gott að geta gefið öðrum góð ráð en heldur verra að geta ekki farið eftir þeim sjálfur. Practice what you preach sagði einhver og ég held að það séu orð í tíma töluð. Ég er nefninlega farinn að átta mig á þvi (late bloomer) að sandurinn í tímaglasinu mínu er svona uþb háfnaður í rennslinu og því dýrmætt að nota stundirnar vel.

Ykkar Garri.

Með rifur á augunum !

2005-10-10T22:07:00.000Z

Ég er nú alveg bit bara. Það er eins og hæfileiki minn til þess að skrifa undanfarið hafi bara sullast um niðurfallið með munnskolinu einhvern morguninn. Það er samt margt merkilegt og skemmtilegt sem ég hefði getað skrifað um. Eins og það að ég er sáttari við sjálfan mig heldur en ég hef verið trúlega alla mína ævi, og það er góð tilfinning. Svo góð að maður vill svona dvelja í henni um stund með rifur á augunum.

Það hefur líka allt bara gengið upp undanfarið, og ég er mjög meðvitaður um hverju ég hleypi inn á mig. Ég held að maður eigi að vera það bara ! Sumt dregur bara alla orku úr manni og það á maður að forðast, en ég er nú ekki að tala um að forðast að taka á málunum heldur bara að vera meðvitaður um umhverfi sitt. Ég er nú enginn bölsýnismaður en ég sá í dag brot úr fornum texta sem mér finnst vera við hæfi að deila með ykkur því innihald hans hefur verið mér hugleikið undanfarið.

Heimslokin nálgast þegar svo er komið í þjóðfélaginu að mennirnir eru metnir eftir peningagildi sínu, auðsöfnun er orðin eina takmarkið, ástríðan hið eina sem tengir karl og konu, hræsnin er nauðsynleg til að komast áfrm í heiminum, kynlífið mesta æsiefnið og skipt hefur verið á hinum ytri hlutum og hinni innri trú.

Mikil blessun væri það, gætum við opnað og lokað eyrunum á sama hátt og augunum.

Hafið það gott,

Ykkar Garri

'Akvarðanir 3

2005-09-19T21:55:00.000Z

Eins og í öllum alvöru hasarmyndum fullkomnast þríleikurinn í síðustu myndinni. Reyndar hafa nú sumir verið ansi lagnir við að mjólka markaðinn og framleitt jafnvel 5 - 6 framhaldsmyndir s.b Death wish og fleiri slíkar. En þá er kanski von að maður spyrji, af hverju eru menn einvörðungu að framleiða framhalds - hryllings/hasarmyndir ? Af hverju ekki að gera t.d Rainman 2 eða eitthvað álíka. Hrikalega er það nú lélegt að fá kanski bara eina "góða" hugmynd sem handritshöfundur en framleiða svo kanski bara fimm stykki bíomyndir úr sama handritinu, klessa svo bara 2,3,4,5 á sama auglýsingaspjaldið í bíóinu. Nei kanski er þetta bara snilld, svo mikil snilld að maður bara fattar ekki hvar snilldin er fólgin. Kanski sama snilld og Matthew Barney skartar í sinni nýjustu mynd sem er víst svo mögnuð að hún er bönnuð innan 100 (í greindarvísitölu) Annars hafa þetta nú verið hálfgerðar molafréttir hjá mér undanfarið, mikið annríki hjá mér í nýja starfinu. Já ég er orðinn framkvæmdastjóri Litalands (svoldið eins og Bæjarstjórinn í Latabæ) 'Eg lofa nú að vera oftar á ferðinni með hressilegri pistla í framtíðinni.

Ykkar Garri

P.s
Saran er búin að meikaða á Flickr myndasíðunni
kíkið áða.

http://www.flickr.com/photo_zoom.gne?id=43782796&size=m

'Akvarðanir 2

2005-09-09T09:46:00.000Z

Ég held að núna sé tíminn til þess að breyta og taka þessar ákvarðanir sem við höfum sópað bara undir teppi. Ég hef í raun snuðað sjálfan mig um svo margt í seinni tíð í nafni tímaleysis, peningaskorts og ég veit ekki hvað og hvað. Ég var farinn að upplifa sjálfan mig þreyttann, pirraðan, gráann og gugginn. Þetta fór að breytast allt saman þegar ég tók trúarskrefið. Þar var lykillinn að öllu því sem ég var búinn að reyna að breyta í eigin mætti. Það var eins og neikvæðum tilfinningum og hugsunum væri svipt í burtu, og í staðinn fékk ég að upplifa hugarró sem ég get ekki alveg lýst. Jæja hafið það gott um helgina kæru lesendur.

................................Garrinn

'Akvarðanir

2005-08-24T17:55:00.000Z

Já ég held nú bara að ég sé að komast í þetta sem flestir kalla rútínu. Kanski svolítið merkilegt að finna öryggi í því að endurtaka sömu hlutina aftur og aftur. En hjá mér hafa staðið yfir töluverðar breytingar en ég er samt ekkert óöruggur eða stressaður. 'Eg fann bara allt í einu að ég yrði að taka ákvarðanir í stað þess að velta hlutunum endalaust fyrir mér, ef að ég geri þetta þá missi ég hitt... ! Syndrómið. Þetta þarf heldur ekki að snúast um að græða eða tapa, heldur um að fylgja hjartanu sem er svolítið annað en hausinn. 'Eg lét skíra mig í Fíladelfíu fyrir skömmu, tók sem sagt trúarlega ákvörðun. Og hvílíkur léttir. Þetta var yndisleg athöfn þar sem ég átti stefnumót við Jesú og ég fann virkilega að ég var að gera það eina rétta fyrir mig. Það hefur allt verið svo afslappað og fínt að ég er eiginlega að verða smá stressaður yfir öllum rólegheitunum. Nei nei.

Verð að fara... meira síðar

Garrinn

Gaman

2005-08-04T10:55:00.000Z

Þegar ég var að hræra í hafragrautspottinum núna rétt í þessu lenti ég í einu af þessum augnablikum þegar hugurinn fer að meta stöðuna. 'Eg sá fyrir mér ör - snöggt ýmislegt í mínu lífi og það var eins og allt væri samsett úr litlum púsluspils - bitum. 'Eg hugsaði að þetta væri vonandi tákn um að ég væri farinn að sjá hlutina í víðara samhengi, og svei mér þá ég held það bara. Síðustu vikur eru búnar að vera ótrúlega magnaðar. Hringferð fjölskyldunnar um landið gekk glimrandi vel og við fengum alveg frábært veður allan tímann. Myndir segja oft meira en mörg orð og hér getið þið séð með því að smella á myndina nokkuð af því sem fyrir augun bar dagana 8 - 23 júlí.

Það var svo rétt tími til þess að henda í þvottavél þegar við komum heim því að við hjónakornin vorum skráð á gospelnámskeið í Kirkjulækjarkoti í fljótshlíð daginn eftir. Ásdís vinkona okkar passaði stelpurnar okkar á meðan, reyndar vill það svo skemmtilega til að hún er ættuð af næsta bæ og voru englarnir því skammt undan.

Þessi helgi var alveg stórkostleg og það var ótrúleg upplifun að fá að syngja lofgjörð frá morgni til kvölds 3 daga í röð. 'A sunnudagskvöldið voru svo haldnir tónleikar þar sem kórinn flutti 12 lög fyrir um 100 áheyrendur. Frábær endir á einu skemmtilegasta sumarfríi sem undirritaður hefur farið í !

Hafið það gott elskurnar.

........................Garrinn

Af stað !

2005-07-09T11:14:00.000Z

Erum að pakka i bílinn núna. Allt er tilbúið og ég er búinn að frá sumarfríinu framlengt um nokkra daga. Verðum líklega í Kjarnaskógi í kvöld og svo er ætlunin að fara á Vopnafjörð. Vonandi verða ekki fleiri uppákomur í ferðinni, ég þakka nú guði fyrir að þetta bilaði nú allt áður en við fórum af stað, ég segi nú bara ekki meira.

..................Garrinn

Kva ha ?

2005-07-06T22:39:00.000Z

Já, loksins þegar maður bloggar er það heldur betur eitthvað hressandi. Öll fjölskyldan er komin í sumarfrí, alveg frábært ! Og við erum búin að vera að skipuleggja ferð um landið okkar nokkuð lengi.

Jæja svo bilaði fjölskyldubíllinn, mér var sagt af kunnugum að það væru farnar afturhjólalegur, nú hugsaði ég þetta er nú oðinn svo gamall bíll og ekkert óeðlilegt við það. Bíllinn sendur í viðgerð, og............. töluvert betri, en ekki algerlega laus við aukahljóð.

Aftur á verkstæðið........... já það er farin lega í millikassanum (drifúrtakinu)............. já,,,,,, en viti menn, vinnufélagi minn á alveg eins bíl og haldið ekki bara að strákurinn hans hafi gersamlega brætt úr vélinni í honum og........... eins dauði annars brauð.

'Eg fæ að hirða kassann úr hans bíl. Og svo fengum við líka lánaðan þenna fína Combi Camp tjaldvagn árgerð 1973. 'I gær var ég að þrífa hann og pússa voða glaður og svo keyptum við líka fullt af útilegudóti gashitara og fleira skemmtilegt.

'I morgun fór ég svo með hann á dekkjaverkstæði því að annar dekkið á vagninum var nánast ónýtt. Þegar betur var að gáð var slangan við það að gefast upp og viti menn........ það er ekki til svona slanga á landinu.....svo eftir miklar vangaveltur og tilraunir náði Magnús vinur minn (snillingur) að bjarga þessu öllu... Já Já Já........... Svo í kvöld opnaði ég vagninn og var að setja í hann stóla og fleira..................... sá ég þá ekki að stangalömin sem vagninum er velt á er hreinlega að detta af ???????

.....Hringdi í annan snilling Gísla Guðna og bar mig aumlega,.,.,.,.,.,.,.,. Við reddum þessu bara annað kvöld ha?.....Þannig að ,,, á morgun fer ég að kaupa nýja löm, keyri svo vagninn á viðgerðarstað, fer með bílinn á verkstæði, fæ far til baka með Sörunni,sæki svo vonandi bílinn seinni partinn,fer og hitti Gísla kl 8 og gerum við vagninn. Svo bara beint af augum í fríið.............vonandi.

Finnst ykkur þetta hægt ??

......................Garrinn

Fyrir og eftir

2005-06-23T23:50:00.000Z

Smá fréttir héðan. 'Eg er búinn að vera mánuð að brasa í þessum endurbótum. Orðinn doltið þreyttur, allt búið að vera í ryki og drasli. En þetta er að verða búið eins og þið sjáið. Hvað finnst ykkur ???

..........................................Garrinn

Gott veður hjá okkur.

2005-06-09T11:27:00.000Z

Mikið er ég ánægður að hafa gert svona himinn, þegar er grátt og guggið úti fer ég bara niður í kjallara og horfi upp í heiðan himininn. Þið sjáið kanski betur litbrigðin á þessari mynd !

......................................Garrinn

Frábær dagur (eða annar í hárþynningu)

2005-06-08T15:05:00.000Z

Systurnar fóru í myndasjálfsala

'I gær tók konan mín af mér mynd. Þegar hún var búin fór hún að glotta, ég spurði hana hvaða væri svona sniðugt ? Þetta sagði hún og rétti mér vélina. 'A skjánum var maður sem líktist mér en hárið var farið að þynnast svolítið á hvirflinum ?

'Eg rauk og náði í lítinn spegil og skoðaði hársvörðinn í krók og kring. Þetta er nú ekkert alvarlegt hugsaði ég, ég er nú með svo fíngert hár, eða var stípulitun Duran Duran tímabilsins loks búin að taka sinn toll og ég yrði eins og biðukolla (blásin) eftir nokkra mánuði ?

'Eg fór í afneitun en fór samt inn á Doktor.is og sló inn: Hárþynning en fékk mest upp leitarstrengi um hárvandamál hunda ???? En fann samt eitthvað kompaní sem selur hátoppa og svo vítamínkúra fyrir hárlausa og svo bara hætti ég ! 'Eg er í raun mjög viðkvæmur fyrir svona útlitsbreytingum á sjálfum mér en ákvað samt að gera þetta opinbert til þess að reyna að yfirvinna fóbíuna.

'I dag fórum við stelpurnar í Smáralind og vorum við mætt á slaginu 11. 'Eg átti 5000 króna gjafakort og var spennandi dagur framundan. Að sjálfsögðu fórum við á Burger King og fengum okkur hammara og meððí. Síðan röltum við í Hagkaup og keyptum nýjar pollabuxur á Sólrúnu. Stelpurnar voru í fínum gír og leið okkur eins og við værum í útlöndum. 'A meðan að þær skoðuðu Barbídúkkur í búðargluggunum rýndi ég í hársvörðinn á þeim sem gékk framhjá.

'Eg gæti kanski látið bródera nælonhár í skallann á mér eins og Ingólfur Guðbrands ? Nei........ Eða bara látið raka allt af eins og Egill 'Olafs ? Ha ?............. Já eða verið með svona hárband eins og Eyfi var með í júróvisjón................ fengið mér flotta húfu eins og Einar Örn sykurmoli........fengið mér bara nýjan stíl.............töff, með brúnan skalla......gullkjeðju um hálsinn og.................... 'eg rankaði við mér þegar ég hafði næstum velt rusladalli um koll. Hló að sjálfum mér í huganum. Við eldumst jú öll og ég verð bara að horfast í augu við það þó að það sé stundum erfitt.

Já og hafið það gott........

....................Garrinn

Skýin

2005-06-07T00:14:00.000Z

Jæja. Var að klára loftið og ég er ég með þvílíkan hálsríg...... Fór 4 umferðir af mismunandi bláum litum með ekta olíulitum og málaði síðan ský á himininn. Það verður alltaf gott veður hjá stelpunum. Er í fríi þessa viku og tek á því........ fer örugglega langt með að klára bara það mesta..

Guð geymi ykkur.

...........................Garrinn (í stuði)

Staðan í dag !

2005-06-03T19:20:00.000Z

Allt á fullu í endurbótum ! Smellið á myndina og skoðið albúmið Home improvement.

Sjáumst.
...........................Garrinn

Rebirth !

2005-05-31T23:51:00.000Z

Það er nú bara þannig að ég hef ekki gefið guði mikinn tíma undanfarið. Of upptekinn við framkvæmdir heima, en hvað ? 'Eg á að vita betur því að ég hef sko sannarlega fundið fyrir því að ég hef vanrækt trúnna. Mér finnst ég svo innantómur og pirraður. Af hverju gerist þetta ? Mér eiginlega líður eins og fuglsunga sem stendur á grein á háu tré og horfir niður, skyldu vængirnir vera nógu öflugir ?

'Eg fékk nefninlega svarið í dag alveg óvænt ! 'Eg fór niður í Fíladelfíu til þess að borga staðfestingargjald fyrir gospel-mótið sem að við Bryndís ætlum á. Þegar ég kom inn (í jötuna) gekk ég beint að geisladiskarekkanum, tók upp einn disk og las : The rebirth of Kirk Franklin......Aha hugsaði ég, það var búið að benda mér að kaupa þennan. Svo fann ég allt í einu fyrir nærveru, svona eins og mjúkt ósýnilegt teppi væri breitt yfir mig, ég get svarið að heilagur andi var á staðnum !

Jæja ég borgaði og fór aftur í vinnuna. Þegar ég kom heim opnaði ég hulstrið á diskinum og hvað sá ég................. When God allows the breaking process to happen in believers life, it can be a very dark time. Picture Job : crying over the bodies of his dead children. Picture Joseph : betrayed by his brothers for twenty dollars. Picture Jesus : sweating in anguish over his fear , and Gods will. Life and death, smiles and sorrow, you and him......

Rejoice ! For your rebirth is near.

'Eg brosti bara þegar ég var búinn að lesa þetta, setti diskinn í og................Hosanna..........Þetta er frábær tónlist..........ég fékk gæsahúð og alles................ítrekað !

Guð veri með ykkur kæru lesendur, það eru spennandi tímar framundan !

..................Garrinn

A bugs life.

2005-05-31T00:07:00.000Z

Það nú búið að vera nóg að gera í kjallaranum hjá okkur um helgina. Við John löguðum ofna og vatnstengingar og á timabili fór allt á flot. Mér leið eins og ég væri í kafbát í seinni heimsstyrjöldinni. Allt vaðandi í vatni og drasli...........úff, en mér finnst nú gaman að þessu svona innst inni.

Þetta vor er búið að vera eitt mesta pöddufár sem að ég man eftir. 'Irekað að koma upp lúsavandamál í skólanum og þá þarf að lúsakemba stelpurnar útí eitt á hverjum degi og það fór meira að segja svo langt að foreldrar þurftu að skrifa undir eitthvað plagg að þeir væru búnir að kemba annars fengu börnin ekki að fara inn í skólann.Og svo kom upp mölur á leikskólanum oní allt saman og þá þurfti að setja allt ullardótið í frysti í viku og er nú frystihólfið fullt. Við erum að spá í marineraðan trefil í kvöldmatinn.

Til þess að kóróna ruglið hafa kettirnir (trúlega) borið inn með sér einhverja óværu, trúlega staralús sem hamast á löppunum á okkur á næturna eins og saumavél... Kláðinn er gífurlegur og er ég alveg að verða búinn með þolinmæðina. Ætli verði bara ekki að úða bara allt með blásýru og dæla svo fljótandi köfnunarefni inn í húsið og þá ætti frostið að ná einhverjum tugum gráða sem mundi eyða því sem slapp við blásýruna. 'Eg meinaða !

Kveðja frá Bögggarranum

Hvurslags ?

2005-05-24T22:41:00.000Z

Já það er nú orðið allt of langt síðan ég hef gefið mér tíma til þess að blogga. 'Eg held að síðasta færsla hafi verið um það leyti sem að við hjónin fórum á tónleikana með Gospelkór Reykjavíkur. Þeir voru eiginlega svo magnaðir að ég hef kanski þurft þennan tíma til þess að skrifa ekki bara !!!!!!!!!! Í kommentið daginn eftir. Konan mín var svo hrifin að hún ákvað að koma með mér á gospelmótið í Kirkjulækjakoti í júlí. Þar verður sko sungið og sungið útí eitt og er ég kominn með fiðrildi í magann.................... Við höfum verið að æfa okkur í Singstar en þar virðist vera fátt um almennileg lög, eða kanski er maður bara að verða gamall því að ég þekki ekki helminginn af lögunum. Reyndar datt mér í hug að hringja í 'Olaf Jóhann fyrrverandi Sony spekúlant og spurja hann hvort að hann gæti ekki hringt í Sony og spurt þá hvort að væri ekki sniðugt að láta framleiða Singstar Gospel og Singstar Eurovision ha' Væri það ekki magnað maður, og svo Sigstar eightys og.........

Um daginn hringdi Bryndís konan mín í mig í vinnuna og sagði mér að hún væri með hugmynd, reyndar var þetta ný útgáfa af hugmynd okkar sem við ætluðum að framkvæma einhverntíman í framtíðinni. Jú hugmyndin er sú að öll fjölskyldan ætlar að fara til Ameríku eftir 3 ár og ferðast í húsbíl í 2 mánuði. Ekki sniðugt ?

Við erum líka byrjuð á herbergi stelpnanna í kjallaranum og er ætlunin að myndablogga framkvæmdirnar sem eiga að verða yfirstaðnar fyrir 22 júní en þá á Sólrún 5 ára afmæli. Já það er allt að gerast og mikið gaman framundan,

Læt vita af mér oftar....

ykkar....Garri

Jesúpistill.

2005-05-15T22:35:00.000Z

Það er nú orðið töluvert síðan að ég hef skrifað almennilegan jesúpistil. Þið hafið fengið að fylgjast með raunveruleika-bloggi um mann sem gerir sér allt í einu grein fyrir því að það vantar eitthvað inn í líf hans, þótt að hann eigi frábæra konu, yndisleg börn þak yfir höfuðið og góða heilsu. Það vantaði vitneskju og trú að þetta líf hefði annan tilgang en að bara lifa því eins heiðarlega og maður getur og svo bara allt búið...boing !

Það er fyrst núna sem ég geri mér fullkomlega grein fyrir því að guð er raunverulegur því að ég hef fundið það. Það er svo furðulegt að það er allt öðruvísi tilfinning að umgangangast annað fólk til dæmis. Bara svona afslappað og ekkert að vera taka inn á sig dæmi lengur. Þegar þessi trúarvakning mín byrjaði var ég svolítið sressaður yfir því að fara á eitthvað trúarflipp eins og sagt er, missa jarðtenginguna og svífa bara eins og gasblaðra til himins.

Þetta voru nú óþarfa áhyggjur því að þetta er ekkert svona, bara mjög heilbrigt ferli sem hefur opnað augu mín heldur betur og ég er tilbúinn í langt og spennandi ferðalag ! 'Eg hef líka verið duglegur við að biðja og lesa guðs orð. Það er svo gott að fá að upplifa nærveru heilags anda og finna hvernig hann vinnur með mann fram og til baka, maður þarf jú bara að biðja ekki satt !

A morgun förum við hjónin á tónleika Gospelkórs Reykjavíkur og er viss um að það það verður stórkostlegt. Mér finnst lofgjörðin yndisleg !

Jæja þið öll, svona er þetta, mér finnst það ljúft og skilt að segja ykkur frá þessu því að kanski hjálpa þessi fátæklegu orð einhverjum þarna úti sem efast

................Garrinn örlítið endurbættur !

List ?

2005-05-14T22:12:00.000Z

Já, ég veit eigilega ekki hvort ég á að vera að blogga þetta, en ég ætla samt..... 'Eg var að horfa á beina útsendingu af opnun listahátíðar og mér rennur blóðið til skyldunnar vegna tengsla minna við listamenn þjóðarinnar. Mér varð óglatt, Matthew Barney.... hverju ertu að reyna að koma til skila ??????? Nakinn stæltur maður með rófu í rassinum , juðandi því allra heilagasta utaní eitthvað snúandi ferlíki??' Og Gabríella Friðriksdóttir....... Ha ? slefandi munnar á plasmaskjám............... blóð, grugg, ....vondir straumar ! 'Eg bað nú bara Jesús að vernda mig og mína. Skammist ykkar að bera svona á borð fyrir fólk ! Hvert er listin að leiða mannskapinn ???? 'I myrkur og ruddaskap.............. Þetta er ósmekklegt og ætti að vera bannað innan 18 ! Og svo er sætunni ekki hleypt inn í listaháskólann ???????????????????????????????????????????????????????????????

Guð blessi ykkur öll (ekki veitir af eftir þetta ógeð)

..........Garrinn

Hugleiðing fyrir helgina

2005-05-12T10:31:00.000Z

Efesus 1.15 - 23

...................Garrinn

Teljarar.

2005-05-08T11:00:00.000Z

Það er svo skemmtilegt hvað við mennirnir erum uppteknir af því að telja og mæla allt milli himins og jarðar. Það eru kílómetrateljarar á bílunum okkar og er að þeir sýna svona háa tölu eins og á myndinni fyrir ofan er rétt að fara að leita sér að nýjum. Eða hvað, að vísu er Toyotan okkar orðin 16 ára en er samt í fullu fjöri svo að ég læt þessar tölur í mælaborðinu lönd og leið. En við mennirnir erum með svona innbyrðis teljara sem við lesum alltaf á öðru hvoru og vitnum gjarnan í. Hey ég er búinn að segja þér þetta þúsund sinnum ! Og næst væri það þá : Hey ég er búinn að segja þér þetta þúsund og einu sinni... Hvað ætlum við að prófa að gera sama hlutinn á sama hátt er hann skilar ekki tilætluðum árangri ? Spáið í það að segja einhvejum þúsund sinnum : Halló ! ég var búinn að segja þér að loka klósettsetunni ! Ha ? Væri ekki uppbyggilegra að segja kanski : Hey eigum við að loka henni saman ? Nei í alvöru, ég hef beðið Jesú um að sýna mér nýjar leiðir í samskiptum og eitt af því er að hætta að gera hlutina í eigin mætti. Það er alveg frábært að finna það hvernig er verið að losa alla gömlu teljarana úr mér og endurstilla þá.

Jæja ég er orðinn spenntur að fara í Kirkjuna í dag og ef ég man rétt er það í 7 skipti á árinu.

Verið góð og guð blessi ykkur.................Garrinn

Blessuð börnin.

2005-05-03T11:21:00.000Z

Já ég er búinn að gera mér fullkomlega grein fyrir því að ég hef vanrækt börnin mín. Þetta ætti nú enginn heilbrigður einstaklingur að segja, en í minu tilfelli er það satt. Nú hef ég ákveðið að snúa við blaðinu og gefa þeim eins mikinn tíma og ég mögulega get. 'Eg á alveg yndisleg börn, bæði falleg og skemmtileg. Um daginn var ég að ganga með Sólrúnu út í búð og þá stoppaði hún, leit á mig og sagði : pabbi ertu með danskan pening í vasanum ? Ha sagði ég og þá bara glotti hún og hélt áfram. 'A morgnana fer ég með Sólrúnu í leikskólann og henni er sko ekki sama í hvaða fötum hún fer. 'Eg leyfi henni að velja sjálfri þótt svo að litasamsetningarnar séu stundum eins og hún sé að fara á Woodstock. Svo fléttar hún sig sjálf fyrir framan spegilinn snýr sér í hring og segir : pabbi ég er tilbúin. Þetta eru ógleymanlegar stundir fyrir mig og oft er ég kominn að því að garga úr hlátri, en passa mig samt því annars myndi hún hvessa augun og segja hættu að horfa ámig. ('A há céinu) Björg er töluvert viðkvæmari en Sólrún og getur sveiflast á tilfinningaöldunum allan daginn (eins og pabbi hennar) Hún er svakalega gjafmild og oftar en ekki hefur hún boðið hálfu hverfinu inn til okkar í vöfflur. Þá segir hún kanski yfir hópinn : pabbi minn er snillingur í að gera vöfflur ! Henni finnst gaman að syngja og er líka flinkur teiknari eins og systir hennar.

Jæja gott í bili.

P.s Munið eftir tónleikum Gospelkórs Reykjavíkur 16 og 17 mai í Fíladelfíu.

...........Garrinn

Vor í Vesturbæ.

2005-04-23T18:29:00.000Z

'I dag byrjaði sumarið. 'Eg fór út og jakkinn var kæruleysislega flaksandi og sjá mér var ekkert kalt. Frábært að þurfa ekki að nánast brjótast inn í bílinn á morgnana hálf freðinn iða sér í sætinu og garga AHHHHHHHHH það er svo kalt!!! 'Eg fór í göngutúr um vesturbæinn og komst að því enn og aftur að hann er alveg stór merkilegur.Á leiðinni hitti ég svona 8 ketti (og klappaði þeim öllum) mætti Markúsi Erni með Hor kóla flösku (Diet Coke) í hendinni. (er hann í megrun ?) Rakst á Þorstein Joð og spjallaði við hann. Sá 2 feitar randaflugur örmagna á gangstéttinni (klappaði þeim ekki) Sá Mugison, Mugimama og Mini Moog labba niður Bakkastíginn. Og húsin hérna maður, dásamlegt. Byggð velflest í kringum 1900 - 1930 og í öllum regnbogans litum. Það er nú öllu hressara yfirbragðið hér heldur en á mörgum stöðum það sem allt er grátt og guggið... Jæja vonandi eruð þið á fullu að meðtaka þessa dásamlegu árstíð og ég veit fyrir víst að sumarið verður HEITT !

...........................Garrinn

Gleði

2005-04-21T19:00:00.000Z

Gleðilegt sumar!

Mig langar til þess að óska ykkur gleðilegs sumars kæru lesendur

..........................Garrinn

Eigin heimur !

2005-04-14T20:27:00.000Z

Það er fínt að hverfa svona inn í sig án þess að vera einhverfur. 'Eg er nú búinn að vera svo úthverfur undanfarið og búinn að segja ykkur frá mjög svo persónulegum málum að annað var eiginlega ekki hægt. Tengdapabbi segir að veröldin sé byggð upp á andstæðum, og svei mér þá að ég er bara nokkuð sammála honum. 'Eg hitti konu um daginn sem var að ferðast um landið og sagði hún mér að hún byggi á lítilli eyju norður af Tromsö í Noregi. Hún býr þarna ásamt manninum sínum við mjög frumstæð skylirði. Þau eru reyndar með vindmyllu sem framleiðir það rafmagn sem þau þurfa og einnig eru þau með bát sem þau róa á og veiða í soðið. Þau lifa á 500.000 íslenskum krónum á ári ! Það var eitthvað sem sat eftir í mér þegar ég hafði sagt þessari ágætu konu til vegar í höfuðborginni okkar. Kanski ætti maður bara að gefa helming eigna sinna eins og stendur í bókinni góðu ? Nei varla, en kanski bara að vera nægjusamari og gefa meðalmennskunni langt nef. Það er hægt að skapa sér eigin prívat heim inni í þessum stóra og fylgja eigin lögmálum um það sem skiptir máli. Maður hefur jú þetta sem heitir val en það er samt spurning hvort valið er frmkvæmt af hjartanu eða af einhverjum öðrum hvötum. Eins og ég hef sagt margsinnis áður er svo mikilvægt að næra sjálfan sig og neita sér ekki um það þó að það "passi" ekki alltaf inn í skrykkjóttann takt nútímans. Þetta var nú bara sem ég þurfti að segja í bili.

Takk fyrir öll kommentin og guð blessi ykkur og fjölskyldur ykkar.

...........................Garrinn

'Ari eldri.....

2005-04-05T00:20:00.000Z

Afmælisblogg

Elsku vinir. Þakka ykkur fyrir allar kveðjurnar til mín, þær fóru beint í hjartað (bang)!!! Þetta er búinn að vera fínn dagur og í kvöld var smá afmæliskaffi og voru eftirfarandi gestir mættir . Saran , Gillinn , Rúnar, Tamila , Svanhildur, Bjartur , Hjörtur og Ásdís. Fékk frábærar gjafir ma. Sundskýlu, lofgjörðardisk, rauðvín, og bókina bæn Jaebesar. Mér líður vel en samt er einhver óskilgreind tilfinning að læðupokast inni í mér. Svona blanda af tilhlökkun og einmanaleika. Kanski er ég búinn að bera mig svona rækilega á torg að ég stend orðið nakinn eftir ? Allar tilfinningar komnar í flækju eftir allt trúarflippið. Hvað haldið þið ? Ég svolítið utan við mig þessa dagana (svona eins og í vímu) en ég ætla að reyna að læða inn öðru hverju smá pistlum.

.................Garrinn (þreyttur)

Steinn eða kirkja ?

2005-04-03T23:18:00.000Z

'Eg var að lesa eftirfarandi í bók sem ég fékk gefins. Maður nokkur gekk fram á 3 menn á byggingarstað. Hann spurði þann fyrsta :" Hvað ertu að gera ?" 'Eg er að leggja steina. Hann spurði þann næsta: " Hvað ertu að gera ?" 'Eg er að hlaða vegg. Maðurinn gekk að þeim þriðja og spurði hann sömu spurningar. Sá leit upp og sagði með bros á vör: 'Eg er að byggja kirkju. Þessi stutta frásögn kom mér til þess að spyrja sjálfan mig hver af þessum mönnu ég héldi að ég væri. Hvaða sjónarhorn hef ég á lífið? Það er svolítið skrýtið, þagar maður spyr sjálfan sig að einhverju þá kanski reynir hugurinn að finna þægilegasta svarið. Maður vill kanski ekki mæta sjálfum sér nema í einhverjum fyrirfram ákveðnum aðstæðum. 'Eg hreinlega treysti mér ekki til þess að svara sjálfum mér. Trúlega er ég allir þessir menn. 'Eg vona að guð gefi það að ég fái nú réttan áttavita í hendurnar og sannarlega finnst mér að ég sé nær því nú en ég hef verið allt mitt líf. 'Eg finn að samneyti mitt við fólk sem er á trúarlegri leið í lífinu er mér mikilvægt enda skýtur það upp kollinum nýlega í tíma og ótíma. 'Eg átti yndislega stund í Kristskirkju (Fórum saman ég og Saran) í kvöld og það var mjög ánægjulegt að hitta alla bloggvinina 'Arnýju,'Agústu og Jasser. 'Eg fann hlýjuna þarna og mér fannst ég vera velkominn. 'Eg er samt að melta þetta allt saman sem ég er búinn að vera að upplifa undanfarið og núna er ég alveg uppgefinn.´'Eg hafði ætlað að skrifa miklu meira.

Hafi það öll sem best.................Garrinn ( búinn á því )

The day after..........

2005-04-01T21:56:00.000Z

Þvílíkur dásemdar dagur. Allir litir eru skýrari (frábært ef maður vinnur í málningarbúð eins og ég) Tilfinningin fyrir öðru fólki er allt öðruvísi. 'Eg bað um það að dómharkan og hrokinn yrði tekinn frá mér ... og það hefur lagast 75%. Innri fínstilling er 100% (eins og í Íslandsbanka) 'Eg er samt meðvitaður um það að bleika skýið er bara um stundarsakir. Það mun koma sá tími að ég þarf að taka næsta skref.... hvað sem það verður. En eitt er víst að þegar ég skoða síðasta sólarhring í samhengi er eitt á hreinu............. og það er að jesú er raunverulegur. 'Eg hef fundið það svo um munar. Þessi annars saklausa tilraun mín sem hófst fyrir um 6 mánuðum hefur fært mér óvænta niðurstöðu. Bænin hefur tilgang. Hún er raunveruleg leið til þess að færa hlutina úr stað ! Óvænt fyrir mig og alveg frábært !!!!!! 'Eg er svolítið ringlaður núna en ég vil að lokum þakka öllu því góða fólki sem hefur með vitnesjku sinni og nærveru í andanum verið samferða mér í þessari fyrslu reynslu minni af guði. Og síðast en ekki síst... Gospelkór Reykjavíkur hefur lyft anda mínum í hæstu hæðir og er það ómetanlegt að hafa aðgang að svo uppörvandi og fallegri andans tónlist.

Þið eruð ótrúleg og hjartahlý !

.......................................Garrinn

Hvað er að gerast ?

2005-03-31T18:14:00.000Z

Alveg er þetta búinn að vera ótrúlegur dagur. Frábært jafnvægi hjá mér aldrei þessu vant. Bað í fyrsta sinn í gærkveldi jesús að koma inn í hjarta mitt. Vaknaði svo alveg ótrúlega heiðskýr að það hálfa væri nóg. 'I hádeginu fór ég niður í Fíladelfíu og keypti mér Joyful diskinn og þegar ég var búinn að borga hann sagði konan í afgreiðslunni: Guð blessi þig, og þá bara helltist yfir mig þvílík tilfinning að ég stóð bara agndofa. 'Eg hugsaði : hvað er eiginlega að gerast ??? Þegar ég kom útí bíl setti ég diskinn í og stax og tónlistin byrjaði fékk ég gæsahúðarköst og einhvernegin svona innra bað hm.... 'A meðan ég skrifa þetta er tilfinningin enn að magnast og ætla ég bara að bíða átekta og fylgjast með................

Langaði bara til þess að deila þessu með ykkur....

..............GArrinn

Smápeningar

2005-03-31T00:04:00.000Z

Anno 1928

Þegar ég kom út í morgun tók ég þessa mynd af húsinu okkar.

Það var svo frábært að standa þarna í logninu og anda að sér morgninum og láta hann umvefja sig. Svo á leiðinni í vinnuna fór ég af einhverjum ástæðum að hugsa um söfnun fyrir sos barnaþorp sem fór fram fyrir nokkrum árum. Hún fór þannig fram að fólk var beðið um að safna saman erlendum smápeningum sem finnast á ansi mörgum heimilum. Það var svo búið að semja við erlendan banka um að taka við þeim.

Þessir smápeningar finnast á flestum heimilum 'I krukkum eða krúsum uppi í skáp eða í ofaní skúffu. Þetta var náttúrulega bráðsniðugt því að peningarnir voru náttúrulega verðlausir í augum flestra. Þegar upp var staðið hafði safnast ótrúlega há upphæð, miklu hærri en nokkurn hafði grunað.

'Eg fór að hugsa.. trúin mín var einn af þessum smápeningum í krukkunni í ansi langan tíma. Svo gerðist eitthvað og kallið kom, trúlega hafa þessir mögnuðu einstaklingar hér á blogginu haft sitt að segja. Allavega er komið vor í sálina mína og ég lít bjartsýnn fram á veg því að ég veit að það bíður mín eitthvað magnað............

Verið stillt................Garrinn

Trufl...........

2005-03-29T23:32:00.000Z

Stígurinn frá húsinu okkar

Fékk nýja myndavél í dag. Saran reddaði þessu öllu með glæsibrag eins og hennar er von og vísa. Vonandi gefur það skemmtilegri vídd í bloggið að geta sett inn svona eina og eina mynd. Búinn að vera eitthvað pirraður og strekktur í dag. Bið bara fyrir sjálfum mér í kvöld..... Jæja, þetta verðu nú í styttri kantinum núna því að ég er farinn að fikta.. úff þetta er nú aðeins meira mál en blessað blog central, en miklu fleiri möguleikar...

Guð veri með ykkur.........................Garrinn

Fékk nóg....

2005-03-28T00:14:00.000Z

Kæru lesendur. 'Eg er að spá í að færa mig yfir á þetta svæði. Það virðist öruggara er blog central. Gef mér tíma fljótlega til þess að skrifa mína fyrstu grein hér.

Kveðja............................Garrinn